102                TESTAMENTS ENREGISTRÉS AU PARLEMENT DE PARIS            (342)
Item, il donne et laisse à Jehannin de Marigny, son nepveu, son Catholicon.
Item, il donne et laisse à chascun de ses serviteurs et serviteresses qui le serviront en son hostel au jour de son trespassement dix frans.
Item, il donne et laisse à damoiselle Blanche, sa fille, femme du dit Thibaut de Maiseray, sa terre de Lyencourt, en la maniere que il la possidera au jour de son trespassement, avecques ses terres de Ser­celles, du Marchaiz, de Noisy, et sa maison où il demeure à Paris, à la charge du douaire de la dicte madame Perrenelle, sa femme, pour en joir par icelle damoiselle Blanche sa vie durant tant seulement et comme viagiere. Et ou cas que Dieux lui donroit hoir masle dc son corps, ledit testateur des maintenant pour lors et des lors pour main­tenant donne et laisse au dit hoir masle Ia proprieté des dictes pos­sessions ainsi par lui données à vie à la dicte damoiselle Blanche, sa fille, et jusques à ce que aucun en apperra qui vive après elle, le dit testateur veult et ordonne que Jehan de Poupaincourt, dit Souyllart, son frere, se porte et soit seigneur proprietaire de la dicte ville et terre de Lyencourt et des environs ; et en ce cas le dit testateur li donne et laisse la dicte proprieté ainsi entiere que il Ia possidera au dit jour de son trespassement, et s'il avient que le dit Souyllart aille de vie à trespassement sans hoir masle de son corps, ou dit cas le dit testateur donne et laisse la dicte terre de Lyencourt au dit Guillemin, son nepveu.
Item, il dorme et laisse à Jehan de Poupaincourt, filz du dit Jehan de Poupaincourt, dit Souyllart, filleul du djt testateur, la proprieté de la terre de Sercelles et du Marchaiz, à en joir par lui après le tres­passement de la dicte damoiselle Blanche sur les conditions devant dictes et ycelles réservées.
Item, le dit testateur quicte le dit Souyllart de toutes receptes el autres choses qui li pourroient estre demandées, à cause de ce qu'il s'est entremis de ses besoignes.
Item, et ou cas que la dicte damoiselle Blanche, sa fille, auroit filles de son corps, le dit testateur ou dit cas donne et laisse des maintenant